Çeşmini gördüm unuttum derdi de dermânı da
Ey hoş ol mest-i muhabbet kim humâr-ı aşktan
Bir kadeh meyle değişmiş küfrü de imânı da
Merd-i bî-kayda belâ-keşliktedir ârâm-ı dil
Yoksa çoktan terk ederdim cânı da cânânı da
Bende-i pîr-i harâbâtım ki yoktur sıkleti
Zâhid-i zerrâkın olsun ilmi de irfânı da
Âteş-i can-sûz-i dil fikr-i dehân-ı dil-rüba
Âşıkın ma'lûmudur peydâsı da pinhânı da
Çünki derd ehline hep bîgânelerdir çare ne
Sen dahi yâd etme Gâlib sabrı da sâmânı da
Şeyh Gâlib
